Det er Romsdal tingrett som har kome fram til at mannen fortener ei bot på 4.500 kroner.
Det var utanfor ein butikk at hunden til mannen gjekk til åtak på ein annan blandingshund av rasane Chihuahua og Pappillon. Denne var festa til eit sykkelstativ.
Tiltalte har ein hund av rasen Alaska Malamute. Dette er ein stor sledehund på ca. 38 kilo, ifølgje Romsdal tingrett.
Den tiltalte mannen sa i retten at Alaska Malamute er ein hund som i stor grad handlar på instinkt, og som kan gå til åtak på andre dyr om den blir skremd.
Om lag ein månad seinare gjekk hunden på ny til åtak på ein annan hund. Denne gongen ein Cocker Spaniel på mellom 5 og 7 kilo.
Tiltalte var dømd til ei bot på 4.500 kroner, sakskostnader på 1.000 kroner og 1.359 i erstatning.