Laurdag vart Suløya Grand Prix arrangert for andre gong. 35 bilar var påmeldt på førehand.
- Og i tillegg kom det til nokre fleire inn mot start, slik at vi passerte 40 sjåførar, fortel Jannicke Høydal, leiar hos arrangør FAU Måseide skule.
Også i år gjekk olabil-løypa ned Myrebekkane - frå Måseide barnehage, med innlagd startrampe for dei eldste sjåførane.
Vil ha meir
- Og alt gjekk fint føre seg, ingen skadar?
- Visst gjorde det dét. Og tilbakemeldingane er klare: Det er ønskje om Suløya Grand Prix også neste år. Folk virka til å vere strålande - eller skal vi kanskje heller seier stormande, fornøgde, seier Høydal.
Sula - og Ålesund
Deltakarane var i år frå 5 og opp til 50 år, og i tillegg til deltakarar frå Sula var det også åtte bilar frå Ålesund.
Det vart konkurrert i fire klassar: Mini (1. - 4. klasse), junior (5.- 7.), ungdomsskule/senior og old boys.
- Eigentleg hadde vi ein «golden ladies»-klasse også, men her var det ingen som stilte til start i år, fortel Høydal.
Med regntrekk
Ein av «ekvipasjane» som tok del var Rune Grande og dottera Eliana.
- Vi var med i fjor også, men har forbetra hjula i år, kunne dei fortelje - før dei drog av garde i eigenlaga olabil. Med regntrekk.
Ps! Alle som tok del fekk premie.