Dei 22 jentene på Sula Cheer Team Vipers er kvalifisert til NM i cheerleading. Dette skjedde under ein cup i Drammenshallen i helga.
Laget frå Sula fekk også pris for beste koreografi og show, fortel trenar Lone Alice Rørvik.
– Jentene tok hallen med storm og strålte på matta, seier trenaren til Sunnmørsposten.
Video: Her ser du SCT Vipers stele showet
Etter totalt tre cupar er laget no på tredjeplass samanlagt.
Mål
Det er to år sidan Sula Danseklubb starta med cheerleading. I fjor bestemte dei seg for å nærme seg toppen, og i fjor haust vart dei eit konkurranselag.
No er dei klare for NM i mars. Det er også Hurricanes frå Ålesund.
Fleire klubbar
Ørskog Angels var i sin aller første konkurranse i går, og dei venta heller ikkje å greie NM-kravet.
– Dei er på god veg til å klare det til neste år, seier trenar Lone Alice Rørvik i Sula Danseklubb.