Vil utvide legevakta

Ein ny tariffavtale gir legar rett til å nekte vakter som varer lenger enn ni timar. Det fører til at Nordfjord legevakt må dele opp lange vakter og få fleire legar inn på kvar helg.

<strong>Forslag:</strong> Nordfjord legevakt har i dag ope i helgane og om natta. Snart kan det også bli legevakt på Nordfjordeid for både indre og ytre Nordfjord også om ettermiddagane. Arkivfoto: Knut Arne Aarset

Kommunane i Nordfjord legevakt jobbar no med ny organisering av legevakta, tilpassa tariffavtale og ny akuttforskrift. I gjeldande ordning er legevakta på Eid open om natta mellom klokka 22 og 08.

Om framlegget til ny organisering går gjennom, vil det bli slutt på lokale vakter ettermiddagar og kveldar. Legevakta på Eid vil derimot ha ope frå 16 til 08, samt i helgane.

Ordninga skal gi mindre total vaktbelastning på legekorpset i Nordfjord. Kortare vakter på helg er venta å auke den faglege kvaliteten. Føreseieleg løn skal også stimulere dei mest erfarne, best kvalifiserte og lokalkjende legane til aktive vakter.