– Årsaka til at vi kaller inn til eit ekstraordinært styremøte i dag er ønsket om å orientere styret raskt og uten unødig opphald om den juridiske vurderinga av protokolltilførselen som blei lagt fram i styremøtet den 17. desember, sa Dag Hårstad som er konstituert administrerande direktør i Helse Møre og Romsdal innleiingsvis.
– Vi ville gi styremedlemmane informasjon om den juridiske vurderinga, sa Hårstad om rapporten som blei levert frå advokatfirmaet Thommessen laurdag kveld.
Les også: Kaller inn til ekstraordinært styremøte
– Vi ønska å publisere denne så raskt som mogleg slik at offentlegheita får tilgang til informasjonen utan unødig opphald, seier Hårstad.
Styret blei også kort orientert om innsynsbegjæringar frå media på e-post mellom styreleiar Stein Kinserdal og tidlegare direktør Astrid Eidsvik.
– Innsynsbegjæringane vil bli svart ut i løpet av søndagen, seier Dag Hårstad i ei pressemelding tidleg søndag ettermiddag.
Kjem tilbake etter nyttår
– Styret i Helse Møre og Romsdal tek den juridiske vurderinga til orientering, og kjem tilbake til saka i styremøte etter nyttår, seier styreleiar Stein Kinserdal.
Styret i Helse Møre og Romsdal la til rette for eit ope styremøte per telefon og med pålogging for andre som ville delta. Det var mange som kopla seg opp, og tilhøyrarane blei fleire gongar oppmoda til å kople frå mikrofonane sine.
På grunn av mykje bakgrunnsstøy frå tilhøyrarar på linjene blei det ikkje mogleg å gjennomføre møtet, og det måtte fortsette på eit anna telefonnummer.
– Vi beklagar at vi måtte flytte møtet som skulle vere ope, men det var heilt nødvendig fordi det var umogleg å høyre kva styremedlemmane sa grunna støy, barneprat og hundebjeff, seier styreleiar Kinserdal til smp.no.
Han fortel at det var mange titals menneske på tråden.
– Er du trygg på at de har hjemmel for å lukke møtet?
– Ikkje utover at det var riktig å informere styret sidan det var umuleg å høyre. Vi måtte lukke det for å få gitt beskjed.
– Kva vart sagt i det lukka møtet?
– Vi informerte om advokatane sine tankar og at det blir lagt ut e-postar som det er begjært innsyn i. Styret tok dette til orientering.
– Det var altså ingen debatt?
– Nei, styret tok dette til orientering.
Smp.no følgjer saka