Det går fram av saka om driftssituasjon for ferjesambanda som vert lagt fram for samferdselsutvalet i dag. Eidsdal-Linge har sju prosent attståande køyretøy. Ein del av forklaringa er at sambandet i 10 dagar i juli i fjor mangla ferje nummer tre. På Molde-Vestnes var det i fjor 2,3 prosent attståande køyretøy og på Halsa-Kanestrøm 2,2 prosent. For Hareid-Sulesund var talet 1,4 prosent.

Nedgang

Snittalderen på ferjene i Møre og Romsdal var i 2014 over 20 år. Trass i dette hadde 23 av 24 samband ein regularitet på over 99 prosent.

Trafikken aukar på dei fleste av ferjesambanda, medan det er trafikknedgang på fem. Størst var nedgangen på Larsnes-Åram-Voksa-Kvamsøy med minus 8,4 prosent og Volda-Lauvstad med minus 4,3 prosent.

Størst auke

Årvik-Koparnes hadde størst auke i trafikken med 14,8 prosent. Dette kjem mellom anna av at ferjekaia var stengt ein periode i 2013, då kaia vart bygt om. Ni av sambanda har ein trafikkauke på over fem prosent. Ser ein bort frå Halsa-Kanestrøm, er dei resterande fylkeskommunale ferjesamband.