Geirangerfjorden har for andre året på rad fått utmerkinga «Best destination experience», som ein av 44 cruisedestinasjonar verda over.
Dette skjedde på Cruise Shipping, verdas største cruisemesse, der 23 hamner i Norge med 60 deltakarar var med for å selje Norge som cruisedestinasjon, opplyser Rita Berstad Maraak, hamnesjef i Stranda. Kriteria for utmerkinga er attraktivitet, profesjonalitet når det gjeld logistikk og infrastruktur, gode profesjonelle guidar, tilbakemelding frå gjester, samarbeid destinasjon og cruiserederi, tilbod til individuelle gjestar og tilbod for tilsette.
Representantar frå cruisenæringa i Geiranger tok imot utmerkinga på messa, framføre eit stort bilete frå Geirangerfjorden. Magasinet Cruise Insight er ansvarleg for kåringa.