Dette fortel ambulansesjåførane Hogne Grebstad og Torgeir Raknes ved Volda sjukehus.

– Basen vår har vore på flyttefot ikkje mindre enn åtte gonger, før vi hamna på brakke- riggen der vi no held til under våre 24-timarsvakter.

– Vi kan ikkje akkurat seie det smakar av prioritering, når vi i Sunnmørsposten kan lese om toppane i Ambulanse Midt-Norge og deira heilt hinsides mottak av bonuspengar, torar Hogne Grebstad.

Han er veteran i fremste blålyslinje, og har vore med på alle dei åtte flyttelassa fram mot dagens brakkeløysing for dei seksten sjåførane i heildøgns vaktturnus.

Bakgrunn: Fikk ekstra bonus for å stå løpet ut

Les også: Millionbonus ble aldri styrebehandlet

Spydspissar

–Dåverande direktør Gunnar Bovim peika for få år sidan på oss i ambulansetenesta og kalla oss for sjølve spydspissane i helseføretaket. Når vi no må sove ut mellom øktene til bråket gjennom veggene frå teknisk avdeling og anna støy, kjenner ein seg langt meir som ei fjør i motvind, enn som ein spydspiss, målar Grebstad ut.

Tillitsvalgte: – De burde betale tilbake

Han er svært kritisk til pengebruken med store bonusutbetalingar til toppane i ambulanseføretaket.

– Det høyrer ingen stads heime, og det gjev ei svært uheldig signaleffekt både nedover i systemet, og ikkje minst utover til folket som vi er sette til å tene, vurderer Grebstad. Han er tidlegare seksjonsleiar for ambulansetenesta i Volda, det same er kollega Torgeir Raknes.

Også han er svært kritisk til bonusutbetalingane.

Les også: Betalte 425.000 kr i bonus - var sikret fra før

– Men ser du det som realistisk at toppane betaler tilbake bonusar dei alt har fått?

– Neppe. Men her er det prinsippa som gjeld. Dette heng ikkje på greip. Vi har alt fått varsel om pålegg frå Arbeidstilsynet, som har fleire ankepunkt mot lokala- og arbeidsforholda vi har her, fortel Raknes.

Han meiner mellom anna det er uhaldbart at ambulansetenesta må delet på eitt toalett med heile teknisk avdeling ved sjukehuset.

– Det er vanskeleg å sjå anna enn at det er pengebruk som har hindra oppbygging av lovlege og gode arbeidsforhold.

Se også: Interaktiv grafikk over alle sluttpakkene i Norge

Les også: Høie presiserer og strammer innLes også: Klinge vil ha ny regel for lønnsfesten

Les også: Haga vil opprette godtgjøringsutvalg

Les også: Sluttavtaler i strid med statens retningslinjer

Les også: Ga helsedirektør fallskjerm i åtte år som tannlege

<strong>Toalett:</strong> Ambulansepersonellet i Volda må dele på eitt toalett med teknisk avdeling, og må også sove vegg i vegg med ei avdeling med tidvis mykje støy. Foto: Knut Arne Aarset