OSLO (smp.no): Landsmøtet i Høgre har vedtatt ei fråsegn som balanserer kravet til spesialisering opp mot omsynet til å bevare sterke lokalsjukehus. Det meiner i alle fall stortingspolitikar Elisabeth Røbekk Nørve, som sit i helse og omsorgskomiteen på Stortinget.
– Vi har fått eit godt kompromiss å byggje vidare på framfor behandlinga av nasjonal sjukehusplan i Stortinget, seier Røbekk Nørve.
Møre og Romsdal Høgre var eitt av fylkeslaga som stod bak eit endringsforslag, då landsmøtet drøfta resolusjonen om «Desentralisering og vekstkraft i heile landet.» Etter harde tak i resolusjonskomiteen vart det semje om eit typisk kompromiss i ei vanskeleg sak for regjeringspartiet.
Les også: Høyre-toppar bekymra for Høie akuttkirurgi-plan
Les også: Bekymra for lokalsjukehuset
Kompromiss
I vedtaket står det at: «Den medisinske utviklingen og pasientenes behov fører til at innholdet i sykehusene endrer seg. På grunn av den medisinske utviklingen kan flere pasienter hjelpes for alvorlige og kritiske sykdommer og skader. Dette krever mer spesialisering og team av ulike spesialister. Høyre mener denne utviklingen er positiv og fører til bedre kvalitet, men ønsker ikke at dette skal føre til en unødvendig sentralisering av akutt- og fødetilbud som i dag gir lokal trygghet. Når akutt livstruende sykdom eller skade inntrer er denne tidsfaktoren viktig. Derfor vil vi differensiere innholdet i akuttenhetene og ha sykehus med gode og trygge medisinske og kirurgiske tilbud over hele landet. Høyre legger til grunn at vi fortsatt skal ha en desentralisert sykehusstruktur i Norge, og at det skal tas lokale og regionale hensyn når de enkelte sykehusenes oppgaver skal fastsettes for fremtiden.»
– Sikrar Volda
Elisabeth Røbekk Nørve meiner denne teksten mellom anna sikrar framtida til sjukehuset i Volda.
– Volda vil framleis vere eit viktig sjukehus for Møre og Romsdal. Det er eg ikkje tvil om, seier helsepolitikaren.
At sjukehuspolitikk er kontroversielt kom fram då det søndag vart kjent at Høgre sin ordførarkandidat i Kristiansund, Torbjørn Sagen, tar til orde for rettslege steg mot Helseministeren, etter at det som har skjedd i sjukehusstriden på Nordmøre og i Romsdal. Sunnmørsposten har grunn til å tru at utspelet til Sagen lite populært i Møre og Romsdal Høgre.
Les også: Vil saksøke Høie
