– Politiet har i samråd med pårørande frigitt namnet til den omkomne etter ribbåtulykka i Olden. Dette var Olav Helge Øren, 57 år, melder Sogn og Fjordane politidistrikt i ei pressemelding.
Torsdag kveld stadfesta politiet at mannen var erklært omkomen. Han blei henta livlaus opp av sjøen og låg lenge kritisk skadd på sentralsjukehuset i Førde. Det blei starta førstehjelp heilt til luftambulansen kom.
Ribbåten frakta onsdag ni passasjerar i Olden i Stryn då mannen hamna i sjøen. To av passasjerane hamna også i sjøen, men dei kom seg opp av vatnet for eigen maskin og var uskadde. Alle passasjerane var turistar på cruiseskipet «Britannia».
Ifølgje avisa Fjordingen har det kommunale kriseteamet i Stryn bistått pårørande, tilsette og andre som fekk ulykka tett inn på livet.