Til samanlikning hadde selskapet eit overskot for tilsvarande periode i 2014 på 16,9 millionar kroner - dette er resultat før skatt.
Det melder Fjord1 i ei pressemelding. Tala er korrigert for salgsgevinstar.
- Den gode resultatframgangen skuldast mellom anna betre styring og inntening i kontraktane, seier administrerande direktør i Fjord1, Dagfinn Neteland, i pressemeldinga.
Trafikkutviklinga for juni månad var svak, medan resten av sommaren hadde god vekst i trafikken samanlikna med fjoråret, ifølgje selskapet.
- I 2014 leverte Fjord1 eit overskot på 111,4 millionar kroner. Vi vil fortsetje den gode utviklinga i andre halvår av 2015. Med dei gode sommarmånadane forventar vi å kunne styre mot budsjettet som er på vel 200 millionar kroner i resultat før skatt på konsernnivå, seier Neteland.