Tips oss

Tips oss på 95 400 400

  • Ring 95 400 400
  • Send e-post til 95400400@smp.no
  • Send SMS eller MMS med bilder til 95400400

Valldal-jordbær lar vente på seg

Valldalbær blir det ikkje før langt ut i juli. Østlandsbæra er derimot på veg til butikkane.

Sola lar vente på seg i Valldal i år, og det same gjer jordbæra. Dei første bæra frå Valldal Grønt AS kjem tidlegast 16. juli, men då berre i små mengder som blir selt lokalt. Veka etter kan kanskje andre delar av regionen få litt av go’bæra, spår Harald Valle i Valldal Grønt. Han ber til værgudane om sol og varme snart.

Tidspress for NRK

– Vi hadde «gjettemøte», og i Liabygda anslo dei 16., 17. eller 18. juli for dei første bæra, fortel Valle.

Den 18. juli kjem nemleg Linda Eide med fullt NRK-team for å lage TV av jordbæra. Valldal og jordbæra skal vere med i «Norske Attraksjoner».

– Da håper vi jo ha litt bær å vise fram. Men vi spelar på naturen sitt lag.

På Myklebust gard i Valldal ventar Harald og sonen Geir Myklebust óg på sola. Geir viser oss rundt på åkrane, men alt vi finn er grøne klumpar og jordbærsnutebillar.

– Det blir seinare enn i fjor, seier Geir, som reknar og gjettar 20.-25. juli for dei første bæra sine. Men han er ikkje spesielt uroa for veret, sjøl om det ligg nysnø i fjella.

– Det kan jo ikkje halde seg så kaldt.

Raskare Østlandsbær

Norske jordbær kjem likevel i butikkane før 20. juli. Avgang for jordbær frå Østlandet til Nordvestlandet skjer alt i dag, melder jordbærsjef i Bama, Roger Utengen.

– Berre i små kvanta no, det er for kaldt om natta enno, seier han.

– Jordbærtoppen i Norge blir i år veke 28 og 29.

Kvalitetsbær

At Valldal kjem etter Østlandet er ikkje nødvendigvis ei ulempe for produsentane, men kan bety høgare prisar for forbrukarane.

– Vi er spente på veret, men blir det bra så er det ein fordel med lang modningstid, seier Valle.

– Det er greit med mindre konkurranse, seier Geir Myklebust.

Diplom-Is lanserer i år jordbær-is med jordbær frå Valldal.

– Valldal er ei merkevare, ein identitet på gode jordbær. Det jobbar vi sterkt for å få til, seier Harald.

Kvifor er bæra så gode?

– Det er klimaet, bra temperatur, lyse netter, lang modningstid og god jord, meiner Geir.

– Dei er ikkje alltid størst, men dei er alltid best, skryt han.

Ventar

I Spar-butikken i Valldal sentrum er det berre belgiske jordbær å få enno. Dei er spesielt gode i smaken i år, meiner dagleg leiar Olav Muri. Men han ser fram til ferske jordbær frå gardane i heimbygda.

– Når vi får dei bæra, er det det folk vil ha.

Vebjørn Johansen går lett forbi dei belgiske jordbæra.

– Eg har ikkje ete jordbær i år. Eg ventar til dei skikkelige bæra kjem.

Gler han seg?

– Klart det! De e jo dei beste jordbæra i vera, e de ikkje?

Mer å lese på smp.no:
Siste nyheter

EM for studentbedrifter i Lisboa

Ålesundsstudenter markerte seg

Den lokale studentbedrifta Lotics tok tredjeplass i Lisboa med miljøvennlig løsning for oppdrettsnæringa.

Søker etter savna mann gjennom natta

Større leteaksjon pågår i Ålesund.

Kan bli for mye nedbør for Mannen

- Håper han raser snarest.

Stor prisvariasjon på tannlegetimen

Fleire hundre kroner mellom den billigaste og dyraste tannlegetimen.

Ansvarlig for vurdering av VM-søknadene er utestengt i sju år

Var ansvarlig for vurderingen av søknader til VM 2018 og 2022.

Edvald unngikk skrekkvelten

Høydramatisk da Kristoffs lagkamerat triumferte.

Nå er seilskutene på veg til Ålesund

Nå venter en lang og strabasiøs seiltur på de nærmere 60 skutene og et 50-talls sunnmøringer som er om bord.

Turist i full fart langs stupet

– Sperringene er satt opp for en grunn, sier reiselivssjef i Geiranger om turist som fredag løp langs det stupbratte Flydalsjuvet for å bli med på bilde.

Denne kommer til havn i morgen

Luksusyachten "Vibrant Curiosity" har blant annet sju suiter og et stort boblebad på dekk.