Endret: 01.09.2010 kl. 11:54
Det meiner lensmann i Stryn og Hornindal, Inger-Lill Lanes.
– Det er skilta godt og sett opp kjetting, men det viser seg at det ikkje er godt nok. Turistane stoppar ikkje der dei skal, seier Lanes.
Cruiseturist
Ein tysk turist ligg framleis kritisk skadd på Haukeland Universitetssjukehus etter at han fekk ei isblokk over seg sist torsdag. Han ligg på intensivavdelinga, men tilstanden skal vere stabil.
Mannen som var passasjer på eit cruiseskip i Geirangerfjorden, var på dagsutflukt til Briksdalen.
Gjerde. Lanes rår til at det blir sett opp eit 1,20 meter høgt gjerde.
– Turistane må stoppast fysisk. Eg er ikkje glad for det i forhold til allemannsretten og retten til å ferdast fritt, men å hindre nye ulukker veg tyngst, seier Lanes etter å ha vore på synfaring i Briksdalen.
Då såg ho sjølv at det stadig gjekk små ras frå breen.
Eige ansvar
Det er ikkje snakk om å gjerde inne eit stort området. Det vil alltid vere muleg å kome seg forbi eit gjerde.
– Vi kan ikkje gjerde inne heile Norge. Det vil alltid vere fare og risiko, men i Briksdalen er det spesielt. Det er lett å kome dit og området er tilgjengeleg for alle, seier Lanes og minner om at det framleis vil stå skilt om at all ferdsel er på eige ansvar.
I tillegg til høgt og solid gjerde, rår lensmannen også til at det blir sett opp nye, store informasjonsplakatar.
