Endret: 03.09.2010 kl. 09:28
– På lang sikt er det i alle si interesse å ha sterke, lokale torskebestandar, seier fiskeri- og kystminister Lisbeth Berg Hansen.
– Hovudutfordringa er å få til ei regulering som reduserer uttaket av kysttorsk, samtidig som vi held oppe eit tradisjonelt fiske og næringsaktiviteten langs kysten.
Fiskeri- og kystdepartementet har på bakgrunn av tilstanden til bestandane av kysttorsk, og etter råd frå Havforskningsintituttet og Det internasjonale råd for havforsking, innført ei rekkje vernetiltak for å avgrense yrkesfisket og fritidsfisket av kysttorsk. Dei første tiltaka vart innførte i mai 2004 og er sidan utvida og justerte.
Målet er å sikre fullt reproduksjonspotensial for bestandane av kysttorsk, noko som inneber ei ytterlegare skjerping av vernetiltaka frå 2009.
Nye tiltak
Blant dei nye tiltaka som gjeld frå 2011 er mellom anna at:
a. Minstemålet på torsk og hyse frå 62 til 64 breiddegrad blir endra til høvesvis 47 cm og 44 cm (tidlegare 40 cm og 31 cm)
b. Høvet ferskfisktrålarane har hatt til å fiske mellom 4 og 6 nm fell bort.
c. Lysfiske etter brisling og sild blir forbode.
d. Sør for 62 grader N blir minste maskevidd for garn sett til 126 mm. (2012)
e. I fritidsfiske blir tillaten garnmengde redusert frå 210 meter til 165 meter.
f. Fritidsfiskarane sitt høve til å fiske torsk for omsetning blir avgrensa til 1000 kg torsk per utøvar og per fartøy.
