Vil ha fengsel for pasientsex

Aktoratet krev fengsel i eitt år for sjukepleiaren som er tiltalt for å ha hatt eit seksuelt forhold til ein pasient.

Påstanden er fengsel i eitt år, der 120 av dagane vert på vilkår, seier politiadvokat Arne Roti til Sunnmørsposten.

I tillegg krev bistandsadvokaten til den fornærma kvinna at ho får ei oppreisning på 200.000 kroner.

Psykiatri

Dei siste tre dagane har saka mot mannen i 40-åra pågått i Fjordane tingrett.

Ifølgje tiltalen skal mannen ha skaffa seg seksuell omgang ved å misbruke stillinga si.

Kvinna var psykiatrisk pasient, mannen var ein av dei ho hadde kontakt med i samband med behandling. Ved fleire høve, og fleire stader i Sogn og Fjordane, skal dei to hatt kontakt. Dette skjedde frå sommaren 2008 og i eitt år fram i tid.

Dom før april

Advokat Per Kjetil Stautland er forsvarar for mannen. Stautland har tidlegare sagt at klienten har erkjent straffskuld, har teke konsekvensen av saka og avslutta jobben han var i.

Sunnmørsposten prøvde fredag kveld å få ein kommentar frå advokaten, men klarte ikkje å oppnå kontakt med Stautland.

Det er forventa at dom i saka kjem mot slutten av månaden.

Mer å lese på Sunnmørsposten:
 
(Foto: Knut Arne Aarset)

Foto: Knut Arne Aarset

Leses nå
 

50 år siden gamle Borgund ble nye Ålesund

Kommunen var mer folkerik enn Ålesund, og omsluttet byen på nesten alle kanter. Det er 50 år siden Borgund forsvant.