To jenter til sjukehus

Ein bil med fire ungdomar i velta i Velledalen måndag kveld. To jenter vart sende til sjukehus.

– Dei to jentene, som er i tenåra, vart frakta til Ålesund sjukehus. Vi kjenner ennå ikkje til skadeomfanget på dei to, sa operasjonsleiar Einar Rostad i Sunnmøre politidistrikt like før midnatt i går kveld.

Velledalen

Rostad fortel at politiet fekk melding klokka 22.06 om trafikkulykka på fylkesveg 60 i Velledalen.

– Ulykka skjedde ved enden av Fetvatnet, og bilen med dei fire i var då på veg i retning Sykkylven, fortel Rostad.

Politiet har fått opplyst at bilen kom utfor asfaltkanten, og at føraren, som er i 20-åra, dermed mista kontrollen over køyretyet.

Gjekk rundt



– Bilen gjekk rundt og vart liggjande i vegbanen, forklarer Einar Rostad.

Både politi, ambulanse, brannvesen og ambulansehelikopter vart rekvirert til ulykkesstaden.

Personane i bilen var heimehøyrande i Stranda og Sykkylven, fekk Sunnmørsposten opplyst i går kveld.

Stengd. Fylkesvegen var stengd i ein kortare periode i går kveld medan redningsarbeidet pågjekk.

Politiet opplyser at dei no skal etterforska ulykka nærare.

Mer å lese på Sunnmørsposten:
 
Leses nå
 

Tromsø - Aalesund 18.00:

Edwin Gyasi friskmelder seg selv til Tromsø-kampen:

Gyasi sto over – men AaFK-troppen friskmeldes