Endret: 23.02.2012 kl. 10:01
Selskapet har no innklaga Søre Sunnmøre Reinhaldsverk (SSR) til Klagenemnda for offentlege anskaffingar (KOFA).
– Vi sit no og vurderer kva vi skal gjere med klagen, seier dagleg leiar Einar Heimdal i SSR.
Les fleire nyheiter fra søre Sunnmøre på smp.no
Han opplyser at det var snakk om ein seksårig avtale om slamtøming for kommunane Sande, Herøy, Ulstein og Hareid.
– Det er ein stor kontrakt til fleire millionar kroner, seier han.
Kontrakten gjekk til Herøy-firmaet Moldskred Renovasjon.
Miljøservice har på sin side hyrt inn Oslo-advokat Svein Håland til å føre saka for seg.
– Eg kan berre stadfeste at eg har levert klage til KOFO på vegner av klienten, seier Håland.
Heller ikkje dagleg leiar Malvin Sandbakk i Miljøservice vil seie så mykje.
– Men det er første gongen vi har klaga til KOFA. Det seier vel litt om korleis vi ser på dette.
Ulovleg
I klagen vert det hevda at SSR brukte ulovleg tildelingskriterium når Moldskred Renovasjon fekk kontrakten. Det vert også hevda at SSR har gjort ei rekkje feil ved tildelingsevalueringa.
Miljøservice hadde slamtømminga i regionen for ein del år tilbake, og satsa no stort på å kome tilbake.
Kontrakten gjeld slamtømming frå hushaldningar, fritidsbustader og kommunale anlegg.
