Han er årets nynorskbrukar

Filosofen og debattanten Gunnar Skirbekk (75) er kåra til Årets nynorskbrukar 2013.

– Han får prisen for arbeidet med å fornye tenkinga om ein gyldig og framtidsretta opplæringspolitikk for nynorsk, og for slitesterk evne til å halde oppe nynorsk som eit smidig språk for tenking, seier styret i Nynorsk kultursentrum i si grunngiving.

Følg smp.no på Facebook

Prisen på 100.000 kroner blir delt ut under opninga av Dei nynorske festspela ved Ivar Aasen-tunet 27. juni.

– Språkpolitisk kritikk

– Gunnar Skirbekk har stilt dei gode spørsmåla og argumentert tungt for kva slags skule landet treng og kva slags norskfag skulen treng. Å gi han prisen er ein språkpolitisk kritikk av den nye læreplanen i norsk, seier direktør Ottar Grepstad i Nynorsk kultursentrum i ei pressemelding.

Skirbekk seier sjølv at nynorsk er viktig for å skjøne kva landet går ut på - både språkleg og kulturelt - og for å skjøne kvar ein er i tid og rom.

– For hundre år sidan meinte mektige professorar i Christiania at det nye norske språket aldri kunne nyttast til vitskap og filosofisk tenking. I dag veit vi betre. Det er ein ekstra grunn til å feire Ivar Aasen og Språkåret no i 2013, seier Skirbekk.

Utgivingar på 16 språk

Gunnar Skirbekk er fødd 11. april 1937 på Hamar. I 1962 blei han hjelpelærar ved Filosofisk institutt ved Universitetet i Bergen, vart fast tilsett to år seinare, og var der, frå 1979 som professor, til han gjekk av i 2005. 

Skirbekk stod sentralt i opprettinga av Senter for vitskapsteori i Bergen og har skrive ei lærebok i filosofihistorie saman med Nils Gilje som no er utgitt på 16 språk. Han har også gitt ut fleire essaysamlingar, og i 2010 kom boka «Norsk og moderne».

 

Mer å lese på Sunnmørsposten:
 

Sunnmørsposten ønsker en åpen og saklig debatt. Alle innlegg blir kontrollert etter publisering. Vi forbeholder oss retten til å forkorte, redigere og fjerne innlegg. Ditt fulle navn må enten gå fram av epost-adressen eller oppgis som brukernavn/Facebook-profil

comments powered by Disqus
Fakta:
  • Det er 14. gongen Nynorsk kultursentrum kårar Årets nynorskbrukar.
  • Prisen blir tildelt personar eller institusjonar som har synt evne til å bryte med språklege og kulturelle konvensjonar om bruk av nynorsk, som gjennom sitt føredøme eller praktiske arbeid gjer det lettare å vere nynorskbrukar, eller som skaper større allmenn forståing for nynorsk.
  • Prisen blei i 2012 delt ut til journalistane Ingvild Bryn og Arill Riise, medan bloggar Linda Sæbø fekk den i 2011 og forfattar Maria Parr fekk prisen i 2010.
Leses nå
 
Siste nyheter

Tømte lageret - ga bort overskuddet til barnekreftforeninga og Frelsesarmeen:

Har gitt bort flere hundre liter iste og sjokomelk

I sammenheng med tømming av lageret har Tine-meieriet i Ålesund gitt bort en rekke produkter til veldedige organisasjoner.

Cruise-turist

Svært skuffa over Ålesunds-besøket

Turist mener byen er handikapp-uvennlig.

Historisk NM-bronse til rideklubben

Aldri før har Ålesund Rideklubb tatt medalje i lag-NM i sprangridning. Men sist helg skjedde det, under et meget «vått» NM-arrangement i Bergen.

Tre-årskontraktar for to Havila-skip

Statoil-oppdrag for Herøy-reiarlaget.

NHO-rapport: – Ulikhetene øker i Norge

En ny rapport fra Næringslivets Hovedorganisasjon (NHO) fastslår at ulikheten øker også i Norge.