Klokka 12.54 fekk Sogn og Fjordane politidistrikt melding om ein tilsynelatande livlaus person i vatnet på ei badestrand i Hunvik i Eid.
Luftambulansen er no på staden, opplyser operasjonsleiar i 13.30-tida torsdag.
Det var ein eldre mann på 80 år som vart funnen livlaus i sjøen ved badestranda på Hunvik i Eid, skriv Fjordenes Tidende.
Dei skriv at det var ein mann frå Austlandet, som har hytte i området som var og bada saman med familien.
- Vi kan endå ikkje seie meir om kva som har skjedd, seier lensmann i Eid, Vebjørn Moa, til Fjordenes Tidende torsdag ettermiddag.
Tilstanden til mannen er alvorleg, men stabil, opplyser kommunikasjonsrådgjevar i Helse Førde, Finn Ove Njøsen, til Fjordenes Tidende litt over klokka 15.
Har du tips eller bilder frå saka, send til 95 400 400 eller 95400400@smp.no