Statens vegvesen skal gjere vedlikehaldsarbeid i Lingetunnelen og Blikshammartunnelen. Frå måndag 7. november blir det køyring med ledebil mellom klokka 21 og 08 alle dagar.
Det kan gi ei ventetid på opp mot 30 minutt, opplyser Vegvesenet i ei pressemelding.
Arbeidet startar i Lingetunnelen. Her skal tunnelen sikrast betre mot inntrenging av vatn.Det blir i tillegg satt i fleire boltar for å sikre fjellet i tunnelen.
I Blikshammartunnelen blir det satt inn fleire boltar for å sikre fjellet i tunnelen. Mot slutten av perioden er det naudsynt å stenge tunnelen i ein lengre periode etter midnatt nokre netter for å sprøyte betong på tunnelveggane.
Arbeidet avløyser oppprustninga av fylkesveg 92 ved Fjørå.
