Norges vassdrags- og energidirektorat (NVE) heva torsdag farenivået for flaum til gult for indre del av Møre og Romsdal, melder NRK Møre og Romsdal.
Gult betyr moderat flaumfare.
I Møre og Romsdal er det flaumfare i Norddal, Stranda og Rauma, viser ein oversikt på NVE sine nettsider. I Sogn og Fjordane er Stryn blant kommunane med moderat flaumfare.
Høg temperatur i fjellet bidrar til å smelte snø og auke vassføringa.
– Nivået for gult varsel er venta å bli nådd i fleire mindre vassdrag i løpet av dagen i dag. Varselet vil ikkje nødvendigvis gjelde i regulerte vassdrag, opplyser NVE torsdag.