(Foto: Terje Engås)

Foto: Terje Engås

Går mot ny rekord i 2013

Bestillingane for neste år strøymer inn til Stranda hamnevesen. Allereie no ser det ut til å bli ny passasjerrekord i 2013.

– I år står det 206 cruisebåtanløp på listene våre i Geiranger. Det er ein auke på ca. 30 prosent frå året før. Men det ser ut til å bli endå ein ny, god sesong i 2013, seier hamnesjef Rita Berstad Maraak.

For allereie no har dei teke imot bestillingar på 179 anløp.

– Og skulle det ikkje bli fleire anløp enn i fjor, så blir det nokså sikkert fleire passasjerar. For skipa blir berre større og større, legg hamnesjefen til.

Følg smp.no på Facebook

Tre dronningar

Og det er mange store skip på listene ho har så langt for 2013. Her ramsar ho mellom anna opp alle dei tre dronningane: «Queen Elizabeth», «Queen Mary» og «Queen Victoria».

– Dessutan får vi besøk av leiligheitsskipet «The World». Det er no gått fleire år sidan dette skipet sist var her i Geiranger, legg ho til.

Elles så viser anløpslista for 2013 at dei gamle travarane mellom skipa kjem tilbake også neste år, både frå RCL og frå Costa-reiarlaget - og Holland America Line.

Få oversikt: Sjekk cruiseguiden på smp.no

Startar i mai

– Og så kjem «Empress» tilbake - både til Geiranger og Hellesylt. Dei har allereie varsla åtte anløp ved nykaia på Hellesylt. «Aida» har også bestilt kaiplass på Hellesylt, seier Rita Berstad Maraak.

«Empress» vart historisk, då det som aller første skip gjekk til kai på Hellesylt 17. mai i år.

Så langt ser det ut til at turistskipsesongen i Geiranger neste år tek til i byrjinga av mai, og vert avslutta i slutten av september.

– Kva med skip i vintercruise?

– Vi har ikkje motteke slike bestillingar så langt.

Les fleire nyheiter frå Indre Sunnmøre på smp.no

Etterlyser tilbod

Ho er oppteken av at cruisebåtturistane må få andre tilbod enn berre bussturar når dei kjem i land på indre Sunnmøre.

– Eg skulle ønskje det var fleire tilbod som omfatta fysisk aktivitet, slik som fotturar, padling og den slags, seier hamnesjefen.

Ho oppmodar difor alle som allereie har utvikla slike tilbod, eller som har planar om å lage slike, om å kome på banen i samband med at ein no planlegg dei komande cruisesongane.

Meir reiseliv: Les våre kortreistreportasjer

Konkurranse

– Vi er i full gang med å planlegge somrane fram til 2015. Og då gjeld det å ha tilbod som er betre enn det dei andre har, dei stadene vi konkurrerer med, seier Rita Berstad Maraak.

For ulike aktivitetstilbod meiner ho det er lett å selje inn hos reiarlaga, under føresetnad av at desse passar kundegruppa.

Det gjeld å ha tilbod som er betre enn det dei andre har

Rita Berstad Maraak
Siste nyheter

Gratis bru i 2017

Prognosane ser ut til å halde: Sykkylvsbrua er gjeldfri og aksjekapitalen kan bli tilbake betalt innan utgangen av 2017.

To til legevakt etter trafikksmell

Politiet opprettar sak mot bilførar.

Ekornes vil byggje sitt eige kraftverk

Flaum ga støyt til nytenkning i Sykkylven.

- Det var som en eksplosjon

Slik opplevde nabo Anne-Lise With situasjonen.

Spissduoen benyttet sjansen

Veldedighetskampen mellom AaFK og det såkalte Folkets Lag på Color Line stadion tirsdag, endte med en oppskriftsmessig 3-1 seier til AaFK.

Trua med å snøre igjen sekken

Per Sævik bad om eit etterspel etter at Herøy-ordførar Arnulf Goksøyr vart kasta som styreleiar i Sunnmørsbadet.

Sykkylvspresten KM-vinnar i fotball

Erlend Lunde (38) er ikkje ein prest i vanleg A-4 format.

Magnar Åm er vinner av Edvardprisen 2014

Komponisten Magnar Åm er vinner av Edvardprisen 2014 i kategorien Samtid.

Statsministeren besøker Ålesund:

- Kampen mot radikalisering angår oss alle over hele landet.

Ber om hjelp mot ekstremisme