Ein hytteeigar i Haram sørgja for at ein mann og ei kvinne blei tekne av politiet for eit innbrott i ei hytte seint torsdag kveld.
Hytteeigaren såg i kikkert frå land at det var ein båt ved hytta, som ligg på ei øy utanfor Søvik. Ei patrulje rykka ut for å observere, og politibåten rykka ut mot staden.
Ved midnatt kunne tenestefolk frå politibåten difor arrestere paret i ei hamn i Søvika. Begge blei sett i varetekt ved politistasjonen i Ålesund. Operasjonsleiar Arild Reite ved Sunnmøre politidistrikt opplyser at det er gjort innbrott i hytta, og at fleire gjenstandar var flytta ut frå bygningen.