Ved hjelp av to pulverapparat og ein vass-slange sløkte dei to mennene den begynnande brannen i huset dei var i, på Lepsøy, måndag kveld.
Endret: 21.02.2012 kl. 13:09
- Og ved å vere så snarrådige hindra karane - ein huseigar og broren hans, brannen i å utvikle seg. Det kunne den nemleg fort ha gjort, seier utrykningsleiar ved Haram brannvern, Jan Kjerstad.
Les fleire nyheiter frå Nordre på smp.no
- I staden er skadene avgrensa til inngangspartiet. Då vi kom til staden, berre få minutter etter at brannen vart meldt, sto det berre att å kjøle ned der det hadde brent, seier Kjerstad.
Huseigaren fekk røykskader i samband med brannen, og det vart rekvirert ambulansehelikopter.
- Dette returnerte tomt tilbake til sjukehuset. Mannen fekk i staden behandling der han var, seier Kjerstad.
Årsaken til brannen, som vart meldt klokka 23.02, måndag, er førebels ikkje kjent.
