Opera Nordfjord viste søndag framsyninga «Hoffmanns eventyr» for sjette og siste gong denne hausten.
Ifølgje Fjordabladet opplevde operaen nedgang i billettsalet i år.
360 færre
Til saman 2238 personar såg framsyningane, noko som er 360 færre enn i fjor. Samla var det også 690 tome sete. Likevel undestrekar operasjef Kari Standal Pavelich at det ikkje er noko krise.
– Kunstnarisk har dette vore ein suksess. Eg trur nesten aldri vi har fått så mykje gode tilbakemeldingar. Det har vore begeistring og skryt frå alle hald, seier Pavelich til avisa.
Overskot i fjor
Operaen hadde bra overskot i fjor. Dette var med på å dekkje etterslepet frå siste åra. Framover vil ein skjere ned der ein kan, men likevel halde kvaliteten oppe.
Operaen gjekk i år ned frå åtte til seks framsyningar. Med den lokale sildeoperaen neste år, er planen å auke opp igjen.