Sjå teikningar frå det planlagde senteret over

Ein milepæl blei måndag passert for planane om vikingsenteret Sagastad i Nordfjordeid.

Kontraktane for bygging av både Sagastad-bygget og Myklebustskipet blei signert, melder prosjektet på si Facebook-side.

Allereie neste månad startar bygginga av vikingskipet som skal vere det største som er funne i Norge. Myklebustskipet er truleg frå slutten av 800-talet og vart funnen utbrent i ein gravhaug i 1874.

Både skipet og bygget skal stå ferdig ved årsskiftet 2018/19, før skipet etter planen blir sett på sjøen og senteret opnar våren 2019.

Sagastad-bygget skal reisast av Eid Industrihus KF og bygget blir eit signalbygg med sirkelrund utforming og same storleik som gravhaugen Rundehogjen som Myklebustskipet er funne i, opplyser prosjektet.

Les fleire nyheiter frå Søre og Nordfjord på smp.no