Politiet fekk melding om ulukka i Herøy like før klokka 18 laurdag. Bilane kolliderte ved avkøyringa der fylkesveg 61 og 654 møtast.
Ein sjåfør blei brakt til sjukehuset i Volda, medan den andre sjåføren skal ha vore uskadd og er brakt til legesjekk.
Politiet opprettar sak mot den eine sjåføren og tok beslag i førerkortet.
– Ulukka har skjedd fordi ein part har brote vikeplikta, men førebels held vi på å ta vitneutsagn og forklaringar på staden, sa operasjonsleiar Arild Reite i politiet på Sunnmøre til smp.no før den beslutninga var teke.
Helse Møre og Romsdal melder natt til søndag at ei kvinne i 60-åra blei lettare skadd i ulukka. Ho er innlagd på avdeling ved Ålesund sjukehus. Tilstanden er stabil.