Stig Arne Ekremsæter på Åheim filma litt av all storseien som låg og flaut i fjorden.

Ausa opp sei frå fjorden

I dag har folk på Åheim fylt båtane med halvdaud storsei som låg og flaut i fjorden.

I dag tidleg oppdaga han noko merkeleg som låg og flaut ute i fjorden. Det viste seg å vere kanskje eit tonn med storsei.

– Vi var fleire båtar som tok opp kanskje 200 kilo kvar. Mykje av fisken var fem-seks kilo, fortel Stig Arne Ekremsæter til Sunnmørsposten.

Etter å ha gitt vekk det meste av fisken, held han tysdag kveld på med å sløye resten, fortel han.

– Dei største seiane var på 11-12 kilo, fortel ein av dei andre som har fått seg fisk i dag.

(Foto: Smp-tipsar)

Foto: Smp-tipsar

Korleis den halvdaude fisken har hamna i fjorden er ikkje kjend.

Nokre mistenker ein fiskebåt for å ha dumpa fisken i jakta på meir verdifull fisk som sild og makrell. Det har vore minst tre-fire fiskebåtar i området i natt og i dag tidleg. Sunnmørsposten har snakka med ein av dei. Skipperen fortel tysdag kveld at dei var ute og fiska tidleg i dag då nota sette seg fast i stein og rivna, og at dei framleis held på med å bøte.

Tips Sunnmørsposten: 95400400 || 95400400@smp.no

(Foto: Smp-tipsar)

Foto: Smp-tipsar

Mer å lese på Sunnmørsposten:
 
Leses nå
 

Forsiden nå:

Norgesraidet ble stoppet på Moa

Hadde planlagt «vanntett» svindel – slik ble de avslørt

De betalte tilsynelatende med egne kredittkort og skjulte sporene sine. I løpet av få dager hadde de kofferter fulle av kostbar elektronikk, smykker og parfyme.