Oppdatert søndag ettermiddag:
Kvinna er i betring. Ho blir flytta ut av intensivavdeling i løpet av kvelden. Det får Sunnmørsposten opplyst ved hovedintensivavdelinga ved Sankt Olavs hospital.
Det var ei dramatisk melding som kom inn til 110-sentralen natt til laurdag.
– Vi fekk melding om at to personar hadde falle i sjøen. Dei har blitt berga i land. Ein mann har blitt køyrt til Volda sjukehus. Han var bevisst, men nedkjølt. Ei kvinne har blitt flogen til St. Olavs i Trondheim, seier operasjonsleiar Erik Dyb i Møre og Romsdal politidistrikt til NTB.
Begge er i 60-åra, og det var vitne som fekk dei to opp av sjøen. Hendinga skjedde ved Almenningbrygga.
– Ut frå det eg kan sjå, kjenner dei kvarandre, seier operasjonsleiaren. I utgangspunktet ser politiet på det som ei ulukke.