Formannskapet i Eid har samrøystes innstilt på at Åslaug Krogsæter vert tilsett som ny rådmann i Eid.

- Kommunestyret gjer endeleg vedtak i saka 25. september, opplyser kommunen.

Krogsæter har masterutdanning i organisasjon og leiing frå Høgskulen i Sogn og Fjordane. I tillegg har ho lærarutdanning.

Sidan 2009 har ho vore Utdanningsdirektør hos Fylkesmannen i Sogn og Fjordane, og medlem i Fylkesmannen si leiargruppe.

Frå 2005 til 2009 var Krogsæter rektor ved Eid ungdomsskule, og før det var ho leiar i Utdanningsforbundet i Sogn og Fjordane i sju år.