Klokka 07.15 fekk politiet i Sogn og Fjordane melding om brann i ein rutebåt i Vågsøy.
Fjordenes Tidende skriv at båten var på veg inn til kai i Måløy då det skjedde. Rutebåten Øyglimt går mellom Måløy og Silda.
– Det brann i det elektriske anlegget i styrhuset, fortel skadestedsleiar Nils Bakke i politiet til Fjt.no.
Det var ikkje passasjerar om bord, og mannskapet greidde å sløkke delar av brannen sjølve, opplyser politiet.