Tine Meieriet Hardanger er tildelt ærespremie med gull for krydra brunost på årets International Food Contest i Herning i Danmark. Dette er verdas største meieriutstilling.
Meieriet i Ørsta tok imot ein bronsemedalje for sin geitost, Tine Snøfrisk.
– Bak ligg det stor innsats, og høg kvalitet i alle ledd. Dette stadfestar også at Tine sine produkt hevdar seg godt i konkurranse med meieriprodukt frå våre naboland, seier meierisjef Bente Reklev i ei pressemelding.
International Food Contest vert arrangert kvart år med matprodusentar frå mange land. Utstillinga er ei vidareutvikling av den tradisjonelle, over 100 år gamle Landsmeieriutstillingen.