I tillegg vert fleire kommunale bygg i Ørsta sentrum også kopla saman med rådhuset, skriv Møre-Nytt.
Ørsta kommune og Tussa har vidareført avtalar om utbygging av fiberstrekking i kommunen. Tussa har ein tilsvarande avtale med Volda kommune, og eitt av punkta i avtalen er å kople rådhusa i dei to kommunane saman gjennom eit direkte samband. To skular, ein barnehage, kulturhuset, eit opplæringssenter og omsorgssenteret får direkte samband til rådhuset i Ørsta.
– Dette vil gje kommunale institusjonar eit framtidsretta samband via eksisterande fibernett bygd i saman med felles fjernvarmeanlegg, heiter det i utbyggingsavtalen.
Ifølgje Møre-Nytt vert deler av utbygginga dekt av Høykom-midlar som har vorte tildelt prosjektet.