– Distriktspsykiatrisk senter i Volda sikrar ikkje fagleg forsvarlege tenester til pasientar med sjølvmordsåtferd, skriv fylkesmannen i Møre og Romsdal.
I tilsynsrapporten peikar han på ei rekkje ting han meiner er mangelfullt i rutinane til senteret. Rutinesvikt skapar uvisse i den daglege drifta og er dessutan ein svært sårbar situasjon som medfører høg risiko for svikt i oppfølging og behandling av pasientar i sjølvmordsfare, meiner fylkesmannen.
– Vi tek avvika på største alvor og er allereie i gang med å rette opp ein det av det tilsynet peikar på, seier Bjørn L. Molnes, avdelingssjef for DPS Sunnmøre, til Møre-Nytt.