Føraren, ei kvinne i 20-åra, skal ha sleppt frå det utan skadar, etter at bilen køyrde inn i ein lyktestolpe måndag ettermiddag.
Uhellet skjedde i Ulstein sentrum. Smellen var såpass kraftig at det vart skade på stolpen.
– Fører var uoppmerksam, slik at ho køyrde inn i stolpen. Ho vil bli politimeldt for dette, opplyser vakthavande operasjonsleiar Tor Andre Gram Franck i Sunnmøre politidistrikt.
Ulstein brannvesen køyrer ut på trafikkulykke, melde 110-sentralen klokka 15.03.
