To brør i 40-åra er sikta for båtpromille etter ei «livlig» natt til søndag på sjøen i Herøy.
Ved 02.30-tida blei alle naudetatar varsla etter at den første broren hamna på sjøen i Fosnavåg havn. Mannen fekk hjelp til å ta seg på land etter uhellet og skal ha sloppe uskadd frå dramatikken. Hendinga skjedde i samband med fortøying, ifølgje politiet.
Om lag halvannen time seinare blei politiet varsla på nytt om båtpromille - og denne gongen var broren til førstnemnde på ferde med same båt. Mannen hadde losna fortøyingane og sett kursen for Runde, der han vart oppsøkt av politiet.
Politiet opprettar sak mot begge brørne, opplyser operasjonsleiar ved Sunnmøre politidistrikt.