Fleire avgangar i A-ruta i ferjesambandet Festøya - Solavågen var kansellert fredag frå 09.55-avgangen, opplyser reiarlaget Fjord1.
Årsaka var at ein fallem om bord på MF Storfjord måtte reparerast. Ferja låg ved 10-tida til land på nordsida av fjorden. I mellomtida gjekk MF Hjørundfjord åleine på sambandet i B-ruta.
Storfjord-ferja var i gang i ruta igjen ved 12-tida, melder Fjord1 på sine nettsider.