Dette er grunnprinsippa til dei to grunnleggjarane av Grim & Gryt Økobryggeri as på Hareid.
Kompisane Øyvind Grimstad Gryt (36) og Andreas Grimstad (31) har yrkesbakgrunn som høvesvis historielærar og elektrikar. Dei har vakse opp i lag på Hareid. Og dei har bryggja øl i lag på hobbybasis i ei årrekkje.
– Alt på første forsøk opplevde vi at det gjekk fint an å bryggje eit øl som var betre enn noko av det vi kunne få kjøpt, fortel Øyvind Grimstad Gryt om opptakta til satsinga.
Nøye
Åpnet bryggeri med smell
– Nesten like viktig som sjølve brygginga og alt det tekniske og biologiske kring denne, ser vi det å ha stødige folk som vil oss vel i ryggen på eigarsida, analyserer Grimstad Gryt.
Han og familien flyttar etter kvart frå Emblem og heim til Hareid, der kollega Andreas Grimstad alt er etablert. Og der altså bryggeriet med alle sine rustfrie stålkjerald, rør, pumper, slangar og andre tilhøyrande innretningar har funne sin plass i produksjonsrekkja.
Hektisk
Sunnmørsposten er på innsteg tidleg ein bryggjardag. Prosessen er i gang og det eimar umiskjenneleg av skolda korn og frisk humle. Sistnemnde ligg klar i ein open jutesekk og er ikkje tilsett enno.
Først med økologisk øl
– Det går ein heil arbeidsdag til sjølve brygginga. Då står vi att med eit par tusen liter ferdig brygg. Dette skal så tappast på større serveringsbehaldarar – eller på små flasker i eit eige anlegg. Så skal det heile marknadsførast og seljast. Vi tek hand om heile prosessen sjølve, fortel Øyvind Grimstad Gryt.
Økoøl
Dette inkluderer ikkje minst innkjøp av dei rette råstoffa, i ein marknad som bokstaveleg tala flyt over av alternativ og variantar. Interessa for heimebrygging og minibryggeri har nærast eksplodert.
– For vår del handlar det berre om å bruke økologisk råstoff i alle ledd.
– Dette er i tråd med eit grunnleggjande syn vi har på global økologi, og på kva som gjev optimal kvalitet på det ferdige produktet vårt, seier Øyvind Grimstad Gryt.