Etter å ha hasta gjennom tre kommunar med Høgre-ordførarar kunne kommunalminister Jan Tore Sanner (H) stupe rett uti det: Store bølgjer i Sunnmørsbadet i Herøy.
Herøy-Høgre-ordførar Goksøyr stilte med badebukse og handduk til ministeren - og utfordra han til ein dukkert på direkten.
Les også: Badarane strøymer til Sunnmørsbadet
Ministeren var ikkje vond å be:
- Det er ikkje kvar dag eg får oppleve slikt. Eit fantastisk anlegg - og ein fantastisk dag på jobben, lo ministeren på bassengkanten.
Sanner ramma av flykrøll - droppet folkemøte
Saman med innfødde Goksøyr fekk han testa det gigantiske bølgjeanlegget. For dei på land kunne det sjå ut som kaotisk skvalpesjø rett vest av Stad.
Ministeren visste betre:
- Høgrebølgjer av beste sort dette! slo han fast.
Før ferda gjekk vidare til simulatorsenteret i Fosnavåg.