Årskulla i enkelte krinsar nærmar seg no null på småskulesteget, skriv kommunalleiar Øystein Johansen i ei orientering til politikarane.Administrasjonen meiner problemstillingane rundt fallande barnetal må setjast på dagsorden, med sikte på å gjere dei grep som er nødvendig.

Ei oversikt viser nedgang i talet barn i førskulealder i alle krinsar, med unntak av Sandsøy som har berre tre barn i førskulealder. Kvamsøy har seks barn, medan Gjerdsvika har 18, Gursken 27 og Larsnes 60.I notatet går det fram at det også blir rapportert om lave fødselstal i 2015.

Det einaste positive som blir trekt fram, er at det blir få elevar per lærar.