Karsten Warholm - Dimna IL sin nybakte verdsmeister i mangekamp under U18-VM i friidrett i Ukraina, kom heim, måndag føremiddag.
Og mottakinga var ein verdsmeister verdig:
På flyplassen venta både Ulstein-ordførar Jan Berset og ein velkomstkomité med rundt 30 frå moderklubben med blomar, flagg og kaker.
- Dette passar fint, eg rakk ikkje å ete frukost, fleipa hovudpersonen sjølv.
Sjå også: Fleire bilde frå mottakinga
- Korleis er det muleg å trene seg til verdsmeister på bygda på Sunnmøre, spurde Ulstein-ordføraren.
- Det kan forklarast med eitt ord, meinte leiar i Dimna IL, Olav Hansen, som også var på Hovden, måndag:
- Miljø.
- Det at det er så moro og lite gravalvor på treninga er også essens, meinte trenar Arve Hatløy vidare.
- Om det var berre Karsten og eg som trente åleine, utan dette miljøet rundt, kunne han aldri ha blitt verdsmeister, la han til - før følgjet dro vidare til meir kaker og fest. Denne gongen på grendehuset på Dimna.
Les også: 17-åring for de store anledninger
Les også: Warholm er verdensmester
Les også: Dette er trolig Norges neste verdensmester i friidrett
Les også: Økte ledelsen
Les også: Warholm i førersetet
Les også: Pangstart for Warholm