Onsdag kveld kan det kome snø heilt ned i fjøresteinane på Sunnmøre.
– Det kan kome 20-30 cm nysnø denne veka. Men det blir bygevêr, så det blir store lokale forskjellar, seier meteorolog Haldis Berge til smp.no.
Frå onsdag kveld blir det også stiv kuling frå nord.
Her finn du vinterferiesnøen
Laurdag føremiddag best
Laurdag føremiddag ser ut til å få det finaste vêret. Fredag kveld minkar vinden.
– Fredag kveld og første del av laurdag blir nok veldig fint, seier Berge.
Men laurdag ettermiddag er bygevêret tilbake, og det er venta stiv kuling i fjellet.
Og så blir det mildare.
– Laurdag kveld går det over til regn i låglandet. Søndag blir det regnbyer i låglandet og snøbyer i fjellet.