Det er venta lokalt stor snøskredfare i fjellet på Vestlandet. Meteorologisk institutt melder storm langs kysten i nordvest.
Endret: 19.02.2012 kl. 21:12
Det er venta vanskelege køyreforhold i høgfjellet i Sør-Norge måndag. Utover måndag vil skredfaren auke til stor, særleg i vest, på grunn av sterk vind, temperaturstigning og lokalt mykje nedbør.
Møre og Romsdal: Måndag ettermiddag sørvest sterk kuling, periodar med liten storm 22 m/s på kysten.
Sogn og Fjordane: Måndag ettermiddag sørleg liten til full storm 25 m/s på kysten, nær Stad periodar med sterk storm 30. Lokalt store nedbørsmengder.
Fjellet i Sør-Norge: Måndag sørvestleg sterk kuling, om kvelden vestleg. Snø og snøfok, seinare snøbyger. Enkelte stader mykje nedbør i vestlege område.
Vidare ut over veka kjem lavtrykka og nedbøren slag i slag.
– Tysdag på dagen blir det lite nedbør. Men tysdag kveld kjem det inn frå vest eit nytt lavtrykk med mykje vind og med sludd og regn, seier Gunnar Livik, vakthavande meteorolog ved Vêrvarslinga på Vestlandet.
– For at nedbøren skal kome som snø må ein opp i 4-600 meter. Og når det gjeld skredfaren, ser det ut til at den vil halde seg utover veka. seier Livik.
Vêrvarsel for dei komande dagane
Vegmeldingar
Sogn og Fjordane
Vegmeldingar
Møre og Romsdal
Les også: - Ingen skredsikre fjellskråninger
