Tre sperret køyrefelt i Sykkylven

- Det har mest sannsynleg blåst ned, seier operasjonsleiar Kenneth Sætre.
New Articles

Fredag ettermiddag sperra eit tre det eine køyrefeltet på Fv 60 ved Straumgjerde i Sykkylven kommune. Det meldte Vegstrafikksentralen på Twitter. Politiet skreiv på Twitter rundt klokka 16.30 at det var redusert framkommeligheit og at entrepenør var på veg for å rydde.

- Det har mest sannsynleg blåst ned, seier operasjonsleiar Kenneth Sætre.

Ifølgje Sætre så gjekk det fint an å passere. Han seier at dette er ei sak som går til Vegtrafikksentralen.

Runar Kvalshaug i Vegstrafikksentralen Midt seier at trafikken gjekk fint.

- Det blir ikkje store problem, seier han.

Like før klokka 18.30 opplyste Vegtrafikksentralen at treet er fjerna.