– Pass på, ver obs, skreiv politiet i Møre og Romsdal på Twitter laurdag ettermiddag, etter at ein syklist var observert i den over åtte kilometer lange, undersjøiske Eiksundtunnelen.
Syklisten var observert syklande i tunnelen i retning Eiksund. Politiet rykka ut og møtte på syklisten.
Det viste seg å vere ein sykkelturist. Han blei losa ut av politiet og kraftig formant, ifølgje Twitter-meldinga.
Syklisten forklarte til politiet at han var på veg til Ålesund.