Det fekk ordførar Jan Ove Tryggestad (Sp) i Stranda stadfesta av statsråd Monica Mæland (H) måndag.
Liabygda blir verande i Stranda kommune.
– Det blir altså inga endring. Alt blir som før på indre Sunnmøre. Med andre ord har det vore mykje skrik og lite ull, seier ordførar og sauebonde Jan Ove Tryggestad til Sunnmørsposten.
Og han held fram:
– For Stranda sin del er dette ei heilt grei avgjerd, men du verda så mykje tid som har gått med til møte – til inga nytte. Dessutan har det skapt uro internt i Norddal kommune.
