Politiet melder like før klokka ni at ein mann i slutten av tenåra frå Molde blei bortvist frå konserten på Colorline stadion.

– Han tok seg deretter inn på stadion igjen via taket, men han blei oppdaga, skriv Møre og Romsdal politidistrikt på Twitter.

Også ein time tidlegare melde politiet om ein ung mann som var bortvist frå Jugendfesten. Sunnmørsposten får opplyst at dette gjeld ein annan mann.

Vedkomande, også han i slutten av tenåra, nekta å oppgi personalia. Han nekta også å forlate staden og blir meld til politiet.

Like etter klokka ni laurdag kveld kjem ei ny melding. Ein mann i slutten av tenåra frå Ålesund er henta frå stadionkonserten. Han blir meld til politiet for å ha slått ein anna og forulempa polititenestemenn.

Få minutt deretter kjem det melding om at ein mann i slutten av tenåra frå Sula er sett i drukkenskapsarresten. Han blir meld for ordensuro på Colorline stadion.