Middelalderfestival i Borgundgavlen

Ein blid smed gjorde susen

Til dagleg er han controller på sjukehuset. I helga var han smeden som samla full smie i Borgundgavlen.
Kultur

Vi snakkar ikkje smed av traust og tradisjonelt sunnmørsk opphav. Vi snakkar om nederlendaren Martijn Scherbier, som av yrke er controller ved Ålesund sjukehus. På norsk må det bli noko slikt som ein som kontrollerer pengar. Mykje pengar. Men før han starta i den jobben, og på fritida si, har Scherbier kursa seg opp på sunnmørske godsaker som smiing og tradisjonshandverk innan trevirke.