Slik oppsummerer Eirik Havnes intensivturnéen åtte støymusikarar i «Polymono Antistereo» hadde på rasteplassar mellom Stryn og Ålesund torsdag.
Les også: Vil ryste bobilturister med bråkemusikk
– Det er ufatteleg fint mellom Stryn og Geiranger, så dei aller fleste stoppa vart på den strekninga. Vi hadde seks-sju tilhøyrarar per rasteplass, nokre klappa og fleire kom bort og prata med oss, fortel Havnes.Konsertrekkja, som inneheldt sagbladkonsert i Ørnesvingane og gitar- og banjoduett på Linge-ferja, vart avslutta ved Fjellstua like før midnatt.
– Responsen har vore jamt god, naturen er fin, og vi er godt nøgde, fortel musikarane.