Det skriv forskarane bak appen i ei sak på Forskersonen.no

Ifølgje Medietilsynet bruker omtrent 90 prosent av norske ungdommar sosiale medium dagleg og nesten alle har tilgang på sin eigen mobiltelefon.

For å hjelpe barn og unge å handtere negative hendingar på nett, har forskarar ved Regionalt kunnskapssenter for barn og unge (RKBU Nord) ved UiT Noregs arktiske universitet utvikla ein gratis mobilapp som heiter Nettopp.

Appen har som mål å auke kunnskap om nettmobbing, hjelpesøkjande åtferd, meistringsstrategiar, sjølvtillit og søvnkvalitet. Dette fordi det er ønskjeleg å redusere psykiske plager og følgjer som kan oppstå ved å erfare negative hendingar på nett blant barn og unge. Forskarane håpar også at det skal bidra til å redusere omfanget av negative hendingar på nett.

(©NPK)